| |
O le a ea le Komesina o Sulufaiga? |
|
O ai e mafai ona faato’ai mai se Faasea? |
|
| |
O le Komesina o Sulufaiga o se tofiga faaletulafono e tofiaina e le Palemene e su’esu’eina faasea faasaga i Matagaluega a le Malo ma isi Faalapotopotoga a le Malo. E matua tutoatasi lava mai le faigamalo. O le Afioga a Maiava Iulai Toma o loo Komesina i le taimi nei. |
|
| |
Soo se tagata ta’ito’atasi, Kamupani, poo se faalapotopotoga ua aafia i se mataupu ua faaseaina. O suesuega e faafoeina i se tulaga faalilolilo. |
|
| |
O a mea e mafai ona faia e le Komesina o Sulufaiga? |
|
O a mea e le mafai ona faia e le Komesina o Sulufaiga? |
|
| |
O le faia lea o su’esu’ega tumaoti i mataupu ua faaseaina e faasaga i soo se laasaga, poo se faaiuga ua faia, fautuaga ma faaiuga fai a Matagaluega uma a le Malo ua mafatia ai le mamalu o le atunuu i lona faafoeina.
E mafai ona e faasea i Ofisa Tutotonu a le Malo, Faalapotopotoga Tumaoti a le Malo, Komiti Faatonu ma isi lava Pulega.
|
|
| |
E le mafai e le Komesina o Sulufaiga ona suesueina faasea faasaga i:
- tagata taitoatasi, Kamupani, ma faalapotopotoga e le se faalapotopotoga a le Malo;
- faaiuga a le Faamasinoga;
- faaiuga a Pulega Tau Faamasinoga ua faavaeina faaletulafono.
|
|
| |
E mafai ona teena e le Komesina o Sulufaiga le su’esu’eina o le mataupu ua faato’ai mai ai se Faasea? |
|
O le a le mea e tupu pe a mae’a ona su’esu’eina lau Faasea? |
|
| |
E mafai ona le suesueina pe afai, mo se faataitaiga:
- avanoa se vaifofo e ave iai poo se aia tatau e talosaga ai mo se toe iloiloina e alagatatau ona fa’aaogaina muamua;
- o le mataupu ua faaseaina ua silia i le sefululua masina le matua;
- ua le o talafeagai sona afaina faaletagata i le mataupu;
- a iloiloina itu uma o le mataupu, ua le talafeagai se toe suesuega.
|
|
| |
Afai ua maua e le Komesina o Sulufaiga sa iai se tulaga faaletonu po o le le sa’o foi i le faafoeina e le Matagaluega o loo faasea iai, mo se faata’ita’iga, ua le tusa ai ma ala o le tulafono, le talafeagai poo le le sa’o foi, e mafai e le Komesina o Sulufaiga ona fautuaina se laasaga e toe foia ai le faafitauli.
Afai o le a le taliaina e se Matagaluega le fautuaga a le Komesina o Sulufaiga , o le a lipoti atu loa le Komesina o Sulufaiga i le Palemia ma le Palemene.
O le tulaga e masani ai, o fautuaga uma e taliaina. O le tele o faasea e foia lava i le faamalieina o finagalo o le au fai faasea a o faia se su’esu’ega.
|
|
