Komesina o Sulufaiga

LUAMANUVAO Katalaina Sapolu

O Luamanuvao Katalaina Sapolu, sa fanau i le Aso 6 Aokuso 1958 i Motootua, o se loia, avea ma Komesina o Sulufaiga lona 4 i Samoa ma o se tama’ita’i muamua ua umia lea tofiga. Na faatauto i le Aso 1 Aperila 2021 mo lona tofiga e ono tausaga.

Ua mafai ona aumai e Luamanuvao i lona ofisa fou le tamaoaiga o le poto masani faavaomalo ma le faaletulafono. Sa galue i le Failautusi Faataupulega i Lonotona ma avea ma taitai ulu o le vaega o Faamasinoga i le Vaega o Tulafono ma Mataupu faavae (2002 – 2009); Faatonu o le Vaega fai tulafono (2013 – 2017). A’o avea ai ma Faatonu Sinia o le vaega o Pulega ma Faatonu o Filemu (2017 – 2019), sa nafa o ia ma le faatinoina o tulafono faatemokarasi a le faalapotopotoga, tulafono, aia tatau a tagata soifua, vaega o pulega lautele ma le tetee atu i faiga faatupu faalavelave ma le vevesi. Sa avea foi ma Loia Sili Faufautua a Aferika, Caribbean ma Setete o le Pasefika (2012 – 2013) i Brussels ma fautuaina le kulupu ACP i le faatinoina o le maliega a Cotonou ma le feutanaiga mo le lona 11 Faaputugatupe o Atinae a Europa ma le Iuni a Europa. Na toe fo’i mai i Samoa i le amataga o le 2020 ma faavaeina se kamupani faufautua e taulai iai tulafono ma le toe fuataina o tulafono.th European Development Fund with the European Union. She returned to Samoa in early 2020 and co-founded a consultancy firm focused on law and justice reforms.

Sa faamaonia o se loia mo le Faamasinoga maualuga a Niu Sila ia Tesema 1986. O Luamanuvao sa amata lana galuega faaloia i Aukilani, Niu Sila ma tautuaina le lautele o tagata Samoa i lea vaega. O Fepuari 1988, sa faamaonia ai o se loia i le Faamasinoga maualuga a Samoa ma tulai mai ai o se loia i pulega faafaamasinoga o le va o tagata ma soligatulafono i le Faamasinoga faaitumalo, Faamasinoga maualauga ma le Faamasinoga o Talosaga apili seia avea ai o ia ma tagata faigaluega a le Failautusi Faataupulega i Lonotona. Sa avea foi o ia ma Notary public ma le Peresetene a le Sosaiete o Loia a Samoa.

O Luamanuvao e iai lona faailoga faapitoa i le Master of Laws (LLM) degree, Tulafono lautele faavaomalo mai le Kuini Mary, Iunivesite o Lonotona, faatasi ai ma le Bachelor of Laws (LLB) mai le Iunivesite o Aukilani, Niu Sila ma le Bachelor of Arts degree i vaega o Filosofia mai le Iunivesite o Newcastle, Ausetalia. 

O Luamanuvao e mai le afioaga o Vaiala, o le amataga o lona suafa matai Luamanuvao, o ona matua ua maliliu, o Dr. Maka Sapolu ma Lagaau Uele Sapolu. Sa faaipoipo atu i le Faamasino Richard Lussick ma e toatasi lo la alo tama.