O Maualaivao sa fanau ma ola a’e i totonu o Samoa, sa iai i le Ofisa o Komesina o Sulufaiga i le tausaga 1992 ina ua faatuina le Ofisa i le Maota Fono tuai a le Palemene.

E fesoasoani i le Komesina o Sulufaiga i le faatautaia o suesuega faasaga i matagaluega a le malo ma faalapotopotoga e faatatau i faitioga mai tagata lautele i mataupu e fesootai ma pulega le lelei. O Maualaivao e nafa ma le Komesina o Sulufaiga ma le pulega a le Ofisa ina ia mautnioa le lelei ma le faagaioiga o galuega faatino a le Ofisa.

Ae le’i faigaluega mai i le Ofisa Komesina o Sulufaiga, sa avea o se Ofisa Sili – Faufautua i le Komisi o Tagata Faigaluega a le Malo, e feagai ma mataupu o Talosaga apili mo tagata lautele. Sa avea foi o ia ma faufautua mo le Komisi i apili e faasaga i le lē siitia o tulaga faigaluega, tofiga ma amio pulea. sa avea foi ma se Ofisa Sinia i le Matagaluega o Tiute ma Tupe Maua.